KALIBO, Aklan—Ginpaathag ni Punong Barangay Ronald Marte it Brgy. Pook, Kalibo nga nagpatigayun sanda it meeting ko nagtaliwan nga adlaw it Martes kaibahan ro Department of Environment and Natural Resources ukon DENR agud nga talakayon ro mga problema sa mga coastal area.
Ro pueong hay kaangot sa Integrated Coastal Management Plan it banwang Kalibo.
Suno kay Marte, kaibahan sa andang mga gin-istoryahan hay ro coastal development ag pagbuoe sa mga illegal setlers sa bahin it lambingan beach nga sakop it andang barangay.
Raya hay matapos nandang masayuran nga maabo eon nga mga indibidwal ro nagpatindog it mga panimaeay sa lugar.
Kung sa siin hugut rayang ginadumilian.
Gin-insister pa kara nga dapat kapin sa 40 metro ro agwat it mga struktura halin sa shoreline.
Pila pa sa andang gintalakay hay ro iba pang problema sa coastal area kapareho it erosion, pagtanum it kahoy ag maabo pang iba.
