KALIBO, Aklan—Problema sa drainage system ro sambilog sa mga ginaturo nga rason it maeapnagon nga pagbaha-baha sa pilang ka mga kabanwahan sa probinsya it Aklan ko nagtaliwan nga adlaw it Sabado, Oktobre 23.
Suno kay Municipal Disaster Risk Reduction and Management Office ukon MDRRMO-Kalibo head Terrence Toriano nga ‘in land’ ro natabo nga pagbaha.
Bangud kara hay maabo nga mga motorista ro napaengan it makina ag may mga pomoeuyo man nga na-stranded.
Ginklaro man kara nga 24/7 ro pagbantay it mga tawuhan it MDRRMO-Kalibo.
Samtang sa pihak nga parte, ginpahayag man ni Toriano nga sa makarun hay haeos nakasentro ro mga tikang it lokal nga gobyerno sa pakikipagsukoe sa Coronavirus Disease 2019 ukon covid-19.
Sa pihak kara hay dapat man sigon nga mataw-an it aksyion ro nagakatabong pagbaha sa mga karsadahon sa pilang ka mga banwa.
