KALIBO, AKLAN — Patay ro sangka mister kat magbigti sa andang baeay sa Brgy. Balabag sa isla it Boracay.
Patay eon kat makitang nakabigti sa kusinang parte it andang baeay ro biktimang si Henry Dado, 36, may asawa ag residente it nasambitang lugar.
Base sa report it Boracay Tourist Assistance Center (BTAC), nakita it step-son nga si Jayson Abuyog ro biktima nga nakabigti gamit ro eubid.
Gin padangat pa ro biktima sa sangka klinika apang, patay eon kat makaabot.
Sa nakitang suicide note it biktima, nag-sorry raya sa anang pamilya bangud indi eon sigon kara masarangan ro kabudlay it andang pagpangabuhi.
Gin hinyu man kara nga maiuli ro anang bangkay sa Marinduque agud idtu i-eubong.
Nasayuran nga raya eon ro pangatlong kahigayunan nga nagpakamatay ro biktima.
