Produktong gawa ng mga katutubo at grupo ng mga kababaihan, bibida sa dalawang araw na eco-fair sa Boracay

KALIBO, Aklan— Nagbida sa daywang eco-fair sa isla it Boracay ro mga produktong himo it mga katutubo ag grupo it mga kababayin-an ko Disyembre 14 hasta it 15 nga ginpatigayon sa Tindahan it Boracay sa Barangay Manocmanoc sa nasambitang lugar.

Suno sa event organizer nga Boracay Foundation Incorporated (BFI), grupo it mga negosyante sa isla nga kapin sa 19 nga exhibitors ro nakipagbahin kaeakip ro mga miyembro it Boracay Ati Tribal Organization ag Pinay Boracay.

Katuyuan it event nga maipakita sa mga residente ag negosyante sa isla ro mga serbisyo ag nagkaeain-eain nga baligya kaparehas it mga bags nga human sa mga recycled materials, natural ag organic nga produkto ag teknolohiya, homemade nga mga pagkaon, delicacies ag iba pa.