Engkaso nga madayun ro pagbuwis sa mga single-use plastic, posibleng magtaas ro presyo it mga produktong nakabutang sa sachet.
Kaibahan sa mga maaapektuhan hay ro mga pagkaon ukon sangkap nga ginakonsumo sa adlaw-adlaw.
Raya hay ro mga nakabutang sa sachet nga puro single-serve quantities nga mas barato kumpara sa mga full-sized packs.
Makabig sigon raya nga indirect taxing sa mga pobre.
Nasayuran naton nga may mga owa it bastante nga ikasarang nga makabakae it gulpihan bangud sa limitadong budget.
May una nga tig sambilog ro pagbakae depende sa kinahangeanon sa mismong adlaw.
Rason nga kon magataas ro buwis sa single-use plastic nga bukon it maeayo nga mag-domino effect sa produkto, sigurado nga magakaeot eon man it ueo ro publiko.
Haeos bayad-utang eon ro sistema it kaabuan, magataas pa ro presyo, ano eon lang ro matabu.
Madumduman nga ginduso ni Department of Finance Secretary Benjamin Diokno ro pagbuwis sa mga single-use plastic bukon eamang agud nga suk-ean ro climate change agud nga makatipon man it dugang nga pondo ro gobyerno.
Kabay nga may iba pa nga pamaagi nga parehong indi mabutang sa aeang-aeang ro mga negosyante ag bumaeakae ag siyempre ro atong palibot .
