KALIBO, Aklan—Nagapadayon ro programa it Person with Disability Affairs Office ukon PDAO sa pagta-o it financial assistance sa mga estudyanteng may kapansanan sa bilog nga probinsya it Aklan.
Ginpaathag ni Randy Rebaldo, head it PDAO Aklan nga ko nagtaliwan nga school year 2021-2022 hay kapin sa 1,280 ro andang benepisyaryo kon siin prayoridad kara ro mga naka-enrolled sa Special Education ukon SPED School.
Sa nagahilapit nga pagbukas it face to face classes para sa school year 2022-2023 hay ginaeauman nga madugangan ro andang mga benepisyaryo ag ginapanan-aw nga magaabot raya it 1,300 hasta it 1,400 students.
Ro nasambit nga mga estudyante hay nagabaton it P3,000 kada dag-on samtang P5,000 kada semestre mat-a sa kolehiyo.
Ginpahayag dugang ni Rebaldo nga uwa it ginapili nga eskwelahan ro nasambit nga programa apang prayoridad nanda ro mga una sa SPED school.
Ro pondo hay halin sa gobyerno probinsyal it Aklan kon siin target nanda nga madugangan ro alokasyon para sa andang taeatapan agud nga maabo pa gid ro mabuligan nga mga children with disabilities nga nagatinguha nga makatapos sa andang pag-eskwela sa pihak it andang ginaangkon nga kapansanan.
