Target makaron it Commission on Elections ukon COMELEC nga iproklama sa martes ro 12 ga nagdaeaog nga senador samtang partial anay sa party-list groups.
Ginpahayag ni Comelec Commissioner George Garcia nga kung ro nabilin nga Certificate of Canvass (COCs) hay mahuyap eagi anda ga pagapahaumon ro proklamasyon sa masunod nga adlaw.
Sa makaron,kapin sa 149 it 173 COCs ro hapatigayon nga ma-canvass eon it poll body nga nagatindog nga National Board of Canvassers (NBOC).
Ro nabilin nga 24 nga COCs hay gina-eakipan it 19 manual overseas COCs, sangka manual COC maghalin sa Vulnerable Sector Office,sambilog nga manual COCs maghalin sa 63 barangays, sambilog nga electronic COC maghalin sa Lanao del Sur,sanka electronic overseas COC man maghalin sa Hong Kong ag sakga electronic COC maghalin sa Jordan.
Ro Lanao del Sur hay magapatigayon it special election ag target kara hay sa Mayo 24 matapos nga ideklara ro failure of elections sa 14 barangays.
