-- ADVERTISEMENT --
KALIBO, Aklan—Nakataeana nga talakayon it National Inter-Agency Task Force (IATF) sa andang mga masunod nga meeting ro proposisyong ipagbawae ro caroling eabi eon sa karsada sa maabot nga Kapaskwahan bangud pa gihapon sa paeag it COVID-19 pandemic.
Ginpahayag ni Presidential Spokesman Harry Roque, owa pa raya natalakay apang ginpasiguro kara nga mai-eakip ro proposisyon sa mga masunod nga meeting it IATF.
Ginpropoer ni Cagayan Governor Manuel Mamba ro caroling ban para sigon malikwan ro pagkalhit it COVID-19.
Suno kay Gov. Mamba nga posibleng magpagguwa it ordinansa ro Local Government Unit (LGU) apang mas epektibo kung magahalin ro mando sa IATF.
