Pasado eon sa House Committee on Government Enterprises ro House Bill No. 207, ro proposed bill nga nagapanaba it optional retirement age it government workers, kaibahan ro mga manugturo sa pampublikong eskwelahan sa edad nga 56 halin sa 60.
Suno kay House Deputy Minority Leader ag ACT Teachers Party-list Rep. Antonio Tinio, sambilog sa co-author it proposed bill, sangka importanteng tikang ro pag-apruba it komite sa nasambit nga proposisyon paagto sa mas makatawong retirement policy para sa mga manugturo ag empleyado it gobyerno nga gintaeana ro andang kabuhi sa serbisyo publiko.
Nagatau man sigon ro prooposed bill it kahigayunan para sa matuod nga pagpili agud nga makapagretiro sa edad nga 56 matapos ro grabeng gaoy ukon “burnout” nga tuga it mabug-at nga trabaho.
Ginpamilit man it mamalidha nga ro nasambit nga proposisyon ro sabat sa mabuhay eon nga ginahinyu it mga manugturo.
Gin-insister kara nga ro hagna hay owa nagabawas sa edad it sapilitang pagretiro ukon compulsory retirement, kundi ginapaeapad ro opsyon para sa mas tempranong pagretiro.
Raya hay nagatau it daean sa nagaoy eon ukon “worn down” nga sa dekadang pagtrabaho hay magaretiro it mas temprano kun paga-gustuhon nanda.
