KALIBO, Aklan—Ginaduso makarun ni Aklan 2nd District Rep. Teodorico Haresco, Jr. ro House Bill 4149 nga ro tuyo hay mapataasan ro minimum salary grade it mga maestra maghalin sa grade 11 paadto sa grade 20.
Suno kay Cong. Haresco, dapat eamang mataw-an it eksakto nga sweldo ro mga maestra sa pampublikong eskwelahan maghalin sa elementarya hasta it high school.
Ginpabutyag dugang nga haeos kueang gid ro sweldo it mga manugturo kon sa siin nagabatun eamang ro mga raya it kapin sa P20, 179 base sa Executive Order 201, series of 2016.
Pila pa sa mga full-time teachers hay naga-usoy it iba pang pagkakitaan para may ibakae sa iba pang educational materials nga ginagamit sa andang mga estudyante.
Kon maging laye eon raya, kinahang-ean pa nga maghimo ro Department of Education (DepEd) it programme budget para sa sweldo it mga manugturo.
