KALIBO, Aklan–Ginakalipay it Aklan Police Provincial Office (APPO) ro sangka hagna nga gindihon sa House of the Representatives angot sa pagpatuman it nationwide curfew sa mga menor-de-edad umpisa alas-10:00 it gabi-i hasta alas-5:00 it agahon.
Suno kay Police Major Willian Aguirre, OIC Provincial Operations Management Unit it APPO nga welcome kanda ro proposisyon bangud mabahoe ro maibulig kara sa crime prevention.
Engkaso nga matabo, makabig sigon raya nga pro-active measures.
Ginpaathag pa ni Major Aguirre nga ro disiplina ag manami nga pagsinaeayo hay dapat unang maga-umpisa sa sueod it panimaeay.
Dapat sigon nga tutukan it mga ginikanan ro andang mga unga eabi eon ro andang aktibidad agud mapaeayo sa krimen.
Gin-engganyo man kara ro tanan nga ahensya it gobyerno nga makipagbueoligan sa pulisya para mapabilin ro disiplina ag katawhayan sa bilog nga komunidad.
