KALIBO, Aklan — Gin-aprubahan it House Committee on Natural Resources ro pagtukod it Boracay Island Development Authority nga magadumaea sa development it isla.
Ginpatawag it komite ro inter-agency task force nga ginakaeakipan it Department of Environment and Natural Resources, Department of Tourism ag Department of Interior and Local Government kaibahan ro iba pang mga opisyal it probinsya it Aklan para talakayon ro mga guidelines sa uman nga pagbukas it Boracay sa Oktubre 26.
Katuyuan it island development authority nga masigurong masunod ro mga ginpresentar nga patakaran ag ma-sustain ro environmental laws nga uwa nasunod dati.
Samtang, ginklaro sa pagpamati nga daywang dag-on pa ro igabuhay it rehabilitasyon sa Boracay ag ro soft opening sa Oktubre hay first phase pa eamang.
