Gin-aprubahan eon it Senado sa pangatlo ag ulihing pagbasa ro Senate Bill No. 2424 ukon ro SMART KIDS bill nga naga-tuyo nga hugtan ro paggamit it social media it mga menor de edad.
Nakabuoe raya it boto nga 16 pabor ag sangka pagpamaeabag, kun siin si Senador Risa Hontiveros eamang ro kumontra.
Sa idaeom it proposisyon ni Senador Robin Padilla, ginamanduan ro mga digital platform nga magpatuman it age-assurance systems ag pahugtan ukon kakason ro mga account it mga menor de edad nga ginakabig nga una sa mataas nga peligo sa online platforms.
Nakataeana man sa proposisyon ro multang ₱5 milyon hasta ₱20 milyon sa mga digital platform nga magaeabag, kaibahan ro dugang nga ₱100,000 adlaw-adlaw samtang uwa nagasunod.
Suno sa mga nagasuportang senador, tuyo kara nga protektahan ro mga inunga kontra sa online grooming ag iba pang peligro sa internet.
Apang, ginpamilit ni Hontiveros ro importansya it social media sa komunikasyon ag pangabuhian it pilang kabataan.
