Nagdihon sanday House Majority Leader Sandro Marcos ag Speaker Bojie Dy it House Bill No. 10431 ukon Sariling Kuryente Act, nga naga-tuyo nga kakason ro mga bukon it kinahangean nga permit ag rekisito para sa mga baeay ag negosyong magagamit it rooftop solar panels ag battery storage para sa kaugalingon nga konsumo.
Sa idaeom it proposisyon, indi eon kinahangean it pahanugot halin sa Energy Regulatory Commission ro mga sistemang uwa naga-balik it kuryente sa distribution grid.
Igabawae man din sa mga distribution utility ro pagpangayo it dugang nga permit, baeayran, ukon iba pang rekisito para sa mga kwalipikadong non-exporting system.
Ginmanduan man it Department of Energy nga kakason ro mga hadlang sa paggamit it nasambit nga sistema ag paeawigon ro access sa financing, mga kwalipikadong installer, ag masaligan nga kagamitan.
