Ginpahayag it House prosecution panel nga may nakataeanang “surprise evidence” sa impeachment trial ni Vice President Sara Duterte, kaibahan ro mga dokumento ag testimonya halin sa mga representante it bangko nga uwa pa ginapaguwa sa publiko.
Suno sa lead prosecutor nga si Batangas Rep. Gerville “Jinky Bitrics” Luistro, parte raya it andang reservation list it mga ebidensyang igapaguwa sa aktwal nga pagbista, sa pihak nga uwa pa sa andang pag-alaga ro mga nasambit nga bank records sa makaron.
Ginpaathag nga ginaeaumang magapaguwa it subpoena ro Senate impeachment court agud mapilitan ro mga bangko nga isumite ro mga dokumento ag patestiguhon ro andang mga opisyal sa oras it pagbista.
Finaeaumang pagagamiton ro mga nasambit nga ebidensya para suportahan ro mga alegasyon it indi mapaathag nga yaman kontra sa Bise Presidente.
