Ginanunsyo it House prosecution panel nga indi eon i-presenta ro pila sa mga nakataeanang testigo sa pagpamati it impeachment trial ni Vice President Sara Duterte ku Hulyo 15 angot it Article IV it impeachment complaint nga nagatalakay sa gina-alegar nga paeag.
Kaibahan sa mga ginkakas sa listahan it mga testigo ro representante it Philippine National Police Firearms and Explosives Office (PNP-FEO), mga mamamahayag nga sanday Mikhail Flores ag Bonz Magsambol, Sheriff Abe Andres, sangka myembro it pamilya it biktima sigon it pagpamaeag, ag sangka psychiatrist.
Si National Bureau of Investigation (NBI) Director Melvin Matibag ro gintaeana nga ulihing testigo it prosecution para sa Article IV.
Ginaeaumang pagatalakayon sa anang testimonya ro mga alegasyon it paeag sa kabuhi nanday Pangueong Ferdinand Marcos Jr., First Lady Liza Marcos, ag dating House Speaker Martin Romualdez nga nakabaehag sa impeachment complaint.
Tuyo it prosecution nga mapadasig ro pagpamati sa paagi it pagtutok sa mga nagapangunang ebidensya ag testimonya.
