Indi eon iga-presenta it prosekusyon sanday Atty. Zuleika Lopez, chief of staff ni Vice President Sara Duterte, ag Capt. Belinda Bello it Legislative Security Bureau bilang mga testigo sa impeachment trial.
Suno sa kampo it prosekusyon, indi eon kinahangean ro andang testimonya bangud ro mga dokumento ag ebidensyang andang paga-pamatud-an hay napakita eon man sa pagbista.
Sa pagpamati ku Miyerkules, gintalakay it impeachment court ro oral arguments angot it hinyo it prosekusyon nga magpaguwa it subpoena para sa bank records, Anti-Money Laundering Council (AMLC) records, ag Bureau of Internal Revenue (BIR) records nanday Vice President Duterte ag it anang asawa nga si Atty. Manases Carpio.
Samtang, nakataeanang ipresente it prosekusyon bilang masunod nga testigo si National Bureau of Investigation (NBI) Director Melvin Matibag sa pagpadayon it impeachment trial sa Hulyo 20.
