KALIBO, Aklan—Ginpasiguro ni Pangueong Rodrigo Duterte nga mataw-an it proteksyon ro mga refugees, stateless individuals ag asylum seekers.
Raya hay matapos nga pirmahan it pangueo ro Executive Order 163 kasunod it kinagamo sa tunga it Ukraine ag Russia.
Base sa EO, pagakilaeahon eon man sa idaeom it 1951 United Nations Convention Relating to the Status of Stateless Person ag 1961 Convention on the Reduction of Statelessness ro pagtao it nagakaigo nga proteksiyon sa mga makabig nga Persons of Concern (POC).
Nakabaehag man kara ro pagbilog it Inter-Agency Committee on the Protection of Refugees, Stateless Persons and Asylum Seekers para masiguro nga maitao ro serbisyong magaprotekta sa POC.
Magaserbi man nga chairperson it komite ro Department of Justice (DOJ) samtang ro Department of Social Welfare and Development (DSWD) ro Vice Chairperson.
