Kapin sa 50,000 katawo ro nagpatigayon it hubeag protesta sa Greece para ipanawagan ro pagpanaog it pilang opisyal.
Eubos sigon nga nadismaya ro mga protesters sa naga-eontad nga aksidente kun siin nagbanggaan ro daywang train nga ikinamatay it 57 katawo ag ninahan ro 14 nga iba pa ko Pebrero 28.
Singgit it mga protesters sa Athens nga bukon sigon raya it aksidente ag raya hay sangka krimen nga dapat pagasabton it mga opisyal.
Gaabot sa 30,000 nga protesters ro nagprotesta sa Athens, samtang may 15,000 mat-a sa Thessaloniki ag 10,000 protesters man ro nailista sa Patras.
Pilang mga protesters ro gin-aresto it mga otoridad matapos madakpan it mga pailaw ukon lares.
Nagapanawagan ro mga protesters nga magpanaog eon sa puwesto si Prime Minister Kyriakos Mitsotakis kun siin ko nagtaliwan nga adlaw hay nagpangayo raya it pasaylo sa mga kapamilya it namatay nga biktima.
