KALIBO, Aklan—Kumpiyansa ro Provincial Government nga posibleng magtaas eon ro ekonomiya it Aklan sa masunod nga dag-on maskin pa nga may pandemya.
Raya hay kasunod it pagbaskog it industriya it turismo sa isla it Boracay.
Suno kay Vice Governor Reynaldo “Boy” Quimpo nga maskin sanda hay nakibot sa influx it mga domestic tourist, kun sa siin may kahigayunan sigon nga umabot it 5,000 ro turista nga nagbakasyon sa sueod it sang adlaw.
Eubus suno kana nga naapektuhan ro kita it aklan sa pagtama it pandemya nga daea it covid 19 bangud nga masyadong nakadepende ro probinsiya sa Boracay partikular sa Jetty port operations ag tourism related activities.
Bangud kara apektado man sigon ro andang mga nakalinyada nga programa ag serbisyo.
Kasunod kara, nag apela imaw sa publiko nga padayun nga magsunod sa ginapatuman nga health and safety protocols agud nga malikawan ro uman nga pagtaas it kaso it covid 19 nga posibleng magaresulta eon man sa lockdown.
