KALIBO, Aklan—Nagtaeana it kapin sa 3 million pesos nga pondo ro Provincial Government sa probinsya it Aklan bilang ayuda para sa mga Person’s with Disabilities ukon PWD’s.
Suno kay Person with disabilitiy affairs office (PWDAO-Aklan) head Randy Anthony Rebaldo nga sambilog eamang raya sa mga tikang ni Aklan Governor Florencio Miraflores agud mapabilin nga una sa mayad nga kahimtangan ro mga PWDS’s sa pihak it ginapangatubang nga pandemya tuga it coronavirus disease ukon COVID-19.
Kadungan kara, nakabatun man it kapin sa 3,000 pesos nga balor it kwarta ro tanan nga mga estudyanteng PWD’s nga naka-enroll makarun nga school year 2020-2021.
Ginpasiguro man ni Rebaldo nga andang pagatutukan ro kahimtangan it mga PWD’s makarun nga sambilog ro mga raya sa mabahoe nga naapektuhan it pandemya.
Kamatuoran sigon kara, andang ginbisitahan ro eastern ag western side it probinsya agud makit-an ro sitwasyon it mga PWD’s ag makahimo it tikang para kanda.
