KALIBO, Aklan—Ginkumpira ni Dr. Cornelio Cuatchon Jr. it Provincial Health Office (PHO) Aklan nga nakalista it pinakaunang kaso it local transmission it coronavirus disease ukon COVID 19 ro probinsya it Aklan.
Base sa ginpagguwa nga official statement it PHO-Aklan, kahapon kat natukiban pamaagi sa matul-id nga pag-usisa nga sangka local transmission ro natabo sa case #34 ag hospital staff it Dr. Rafel S. Tumbokon Memorial Hospital.
Ro babayeng laboratory staff it ospital hay nakabatyag it simtomas ko Agosto 31 hasta it Setyembre 8, 2020 kung sa siin may history raya it eagnat sa sueod it daywang adlaw.
Owa man it travel history sa guwa it probinsiya sa nagtaliwan nga daywang dominggo ag owa man it history it exposure sa suspect, probable ukon confirmed case it sakit.
Gin-abisuhan it ahensya ro publiko nga sundon ro health protocols sa tanan nga oras.
Samtang, nagapadayun man ro monitoring ag active surveillance sa COVID 19 sa bilog nga probinsya.
Sa makarun hay may 46 eun nga kabilugan nga kaso it COVID-19 sa Aklan kon sa siin 11 kara ro active cases, 1 ro namatay ag 34 ro naka-rekober matapos ro pagbueong ag quarantine period.
