Kalibo Aklan———Mabahoe ro naging pagpasaeamat it Provincial Inter-agency Task Force bangud nga nasabat ro andang apela para ipabilin sa General Community Quarantine (GCQ) ro quarantine classification it Aklan.
Suno kay Kalibo Mayor Emerson Lachica nga raya hay natalakay ni Governor Florencio Miraflores sa andang pueong ko nagtaliwan nga adlaw.
Nasayuran nga nag apela ro probinsiya ko Hulyo 14 agud nga ipabilin sa status quo ukon panabaan ro quarantine status imbes nga ipasaka sa Modified Enhanced Community Quarantine (MECQ).
Gin-presentar sigon it Gobernador ro mga baeasihan it andang apela kun sa siin gin-insister ni Miraflores nga ginsunod it probinsya ro mga rekomendasyon it national IATF nga hugut nga implementasyon it mga sueundanan sa sueod it daywang domingo agud nga matapna ro pagtinaas t kaso it COVID- 19.
Mag-eowas kara, nagapabilin sa low risk ro classification it probinsya sa health care services bangud nga may mga bakante pa ro hospital beds para sa mga covid patients sa Aklan Provincial Hospital ag may mga ICU beds pa sa ibang mga ospital sa Aklan.
Madumduman nga nauna eon nga ginrekomenda it IATF nga ipaidaeum sa MECQ ro Aklan halin sa GCQ umpisa July 16 hasta 31.
Apang raya hay ginbutang sa GCQ hasta sa Hulyo 22.
Gindugang pa ni Mayor Lachica nga masyadong malisod engkaso nga uman nga mag instrikto bangud nga siguradong maabu eon man nga mga trabaho ag negosyo ro maapektuhan.
