Kalibo Aklan ——-Nakataeana nga magpatawag it meeting si Aklan Provincial Governor Florencio “Joeben” Miraflores sa Provincial IATF agud nga maistoryahan ro may kaangtanan sa naging rekomendasyon it national Inter-agency Task Force kay Pangueong Rodrigo Duterte nga ipaidaeum sa General Community Quarantine (GCQ) ro probinsiya it Aklan umpisa sa Hulyo 1.
Suno kay Provincial Administrator Atty. Selwyn Ibarreta nga nakadepende pa sa gihapon kay Governor Miraflores ro magiging status it quarantine restrictions sa probinsiya kamana man sa magiging rekomendasyon it mga health authorities.
Ginklaro pa kara mga ro pagabasehan pa kara hay ro mga cases nga naililista ukon positivity rate ag ro capacity it mga hospitals ag facilities.
Nasayuran nga sa makarun hay una pa sa idaeum it Modified General Community Quarantine (MGCQ) “with hightened restrictions”ro probinsiya it Aklan.
Samtang, ginpahayag man kara nga sa makarun hay “on going” ro construction it building nga igataeana it probinsiya bilang sabat sa kakueangan it hospital beds .
Dugang pa kara nga ro ibang area it provincial hospital hay gin-convert eun man makarun nga COVID ward.
Sa pihak nga parte, uman man nga nag-apela si Ibarreta sa publiko nga padayun nga magsunod sa ginapatuman nga health protocol sa tunga it padayun nga pagtinaas it kaso it coronavirus disease ukon COVID-19 sa probinsiya.
Suno kana nga ugalion sa gihapon ro pagsuksok it face mask ag face shield kung una sa pampublikong lugar ag likawan anay ro pagpinanaw kamana man ro pagpatigayon it mass gatherings.
