KALIBO, Aklan—Nakataeana nga magapueong makarun nga adlaw ro Provincial Inter-agency Task Force against COVID-19 ukon provincial IATF sa probinsya it Aklan agud istoryahan ro mga tikang nga pagahimuon sa pagtapna it makamaeatay nga sakit nga coronavirus disease 2019 ukon COVID-19.
Suno kay Kalibo Mayor Emerson Lachica nga tuyo it nasambitan nga pueong ro pagpabaskog it ginapatigayun nga contact tracing sa Purok 1. C laserna St., Brgy. Poblacion, Kalibo.
Raya hay bangud sa sigidas nga pagtinaas it mga kaso it covid-19 sa nasambitan nga lugar.
Kaibahan sa pagpueong ro Provincial Health Office ukon PHO-Aklan, Kalibo PNP ag pilang ka mga opisyales it barangay.
Nasayuran nga makarun hay una sa gihapon sa idaeum it surgical enchanced community quarantine ro nasambit nga purok.
Ginhinyu man ni Mayor Lachica ro tanan nga apektadong residente nga magsunod sa ginapatuman nga health protocol agud indi eun magkalhit pa ro makamaeatay nga virus ag maging masinadyahon ro pagselebrar it kada pamilya sa nagahilapit nga Paskwa.
