KALIBO, Aklan—Tig-sambilog nga gin-agtunan Provincial Regional Director ukon PRO6 P/BGen. Sidney Villaflor ro Aklan Police Provincial Office ag iba pang mga police station sa probinsiya agud nga bisitahon ag sayuron ro kahimtangan it kada pulisya sa lugar nga anang nasakupan.
Nasayuran nga matapos nga makaexperiensiya it pilang mga pagbaha sa pilang banwa sa Aklan daea it shearline ko adlaw it Lunes hay tigsambilog nga ginbisitahan ni P/BGen. Villaflor ro mga estasyon it pulisya sa kada banwa.
Suno kay P/Corporal Leonilyn Artes, tagapaghambae it Aklan PPO nga gusto nga masayuran it opisyal kon nagahueag ro kapulisan sa pagbulig sa mga nagakinahangean sa tiempo it kalamidad kamana man kon may kalidad ro andang serbisyo nga ginatau sa publiko.
Ginasiguro man nana kon tama ro implementasyon it 5 focus agenda it chief pnp para sa mayad ag mas epektibo nga police force nga nakatutuk sa morale ag welfare it kapulisan; community engagement; integrity enhancement; information and community technology development; ag tampad nga law enforcement operations.
