KALIBO, Aklan—“Operational” eun ro Provincial Tilapia Hatchery sa probinsya it Aklan nga nahamtang sa Brgy. Nalook Kalibo.
Raya hay matapos ro hugod ag paghimakas it Sangguninang Panlalawigan nga ginpunduhan man it Bureau of Fisheries and Aquatic Resources ukon BFAR-Aklan.
Kapin man sa masobra 5 million pesos ro gin-alokar nga pundo para sa nasambit nga programa.
Suno kay Salome David it Office of the Provincial Agriculture (OPA) nga makarun hay sanda eun ro mismo nga naga-produce it mga isda nga pwedeng magtao it supply sa mga fisherfolks sa probinsya.
Sa bulig man it nasambitan nga programa hay mas pang naging madasig ro produksyon it mga isda kumpara sa dating traditional method kung sa siin haeos mano-mano eamang ro andang pag-breed kara.
May kaangtanan kara, andang gina-engganyo ro mga pomoeuyo nga may eanas ag pwedeng i-convert agud maging tangke nga mag-avail sa nasambitan nga programa.
Ro sin-o man nga interesado hay pwedeng magbakae it semelya kung sa siin libre eun ro training ag demonstration.
Samtang, ginapahayag dugang ni Salome David it Office of the Provincial Agriculture nga bukas man ro greehouse farm it probinsiya para sa mga farmer ukon mangunguma nga gustong magtanom it lettuce.
Raya man hay pwedeng itao it libre sa sangka mangunguma nakadepende kung siin nana raya pagagamiton.
Ro mga intresado hay pwedeng makipag-kooperar sa andang tagsa tagsa ka mga munisipyo agud mairefer sa man sa andang opisina.
