Ginpasiguro ni Pangueong Bongbong Marcos Jr., nga mga de kalidad nga pabahay ro igatukod it gobyerno para sa mga pilipino.
Raya ro ginpahayag it Pangueo kat pangunahan kara ro ground breaking ceremony sa Pambansang Pabahay para sa Pilipino housing Project sa Naga City,Camarines Sur.
Kapin sa 20-K housing units ro igatukod sa nasambit nga lugar.
Ginpahayag dugang it Pangueong Marcos nga kinamatarong it kada indibidwal ag bukon it sangka pribelihiyo ro pag-angkon it sangka manami nga baeay.
Nasayuran sigon it gobyerno ro ginapangatubang nga problema it mga pilipino nga may kaangtanan sa pabahay rason nga makarondayang mga proyekto ro unang tikang para maangkon ro handom nga mataw-an it kaugalingon nga panimaeay ro mga Pilipino.
Angot kara positibo ro Punong Ehekutibo nga magting madinaeag-on ro Administrasyon para sa proyektong pabahay para sa mga Pilipino.
Mabahoe ro pagsalig an it Pangueong Marcos kay Department of Human Settlements and Urban Development Secretary Jerry Acuzar nga eksperyensyado sigon sa patag it pabahay.
Suno pa sa Pangueo ro igatukod nga pabahay it gobyerno hay kumpleto eon sa facilities ag accessible man sa eskuwelahan, ospital, merkado publiko ag iba pa.
Gin-insister man it Pangueo nga target it anang administrasyon nga magtukod it sang milyon nga panimaeay sa kada sueod it an-um nga dag-on it anang pagpungko sa pwesto para masabat ro 6 million housing backlog sa nasyon
