KALIBO, Aklan—Ginkumpirma ni Mrs. Rodelyn Panadero it Philippine Statistic Authority ukon PSA-Aklan nga nagtukod eun it registration center para sa Philippine Identification System (PhilSys) ro pilang ka mga kabanwahanan sa probinsiya it Aklan.
Raya hay ro banwa it Buruanga, Malay, Nabas, Ibajay, tangalan, makato, Numancia, Kalibo, Altavas, Madalag ag Batan.
Samtang owa pa sa gihapon it may naitukod sa banwa it New Washington, Banga, Balete, Malinao ag Libacao.
Sa pihak kara, ginklaro man ni Panadero nga sa makarun hay nagapadayun sa gihapon ro registration para sa national I.D.
May kaangtanan kara anang gin-engganyo ro publiko nga magparehistro sa maeapit nga registration center sa andang lugar.
Samtang agud nga less hussle hay pwedi man sigon nga magparehistro eamang pamaagi sa online registration.
Ginahingyo man sigon it taeatapan ro mga may commobidities, senior citizens ag 15 anyos panaba nga indi anay magparehistro bangud nga sandig sa Executive order ni Aklan governor florencio miraflores hay hugot pa ro mga rayang ginabawaean nga magguwa it andang panimaeay.
