Gin-umpisahan eon it mga enumerators it Philippine Statistics Authority ukon PSA-Aklan ro paglibot para sa andang Census of Agriculture and Fisheries.
Raya ro pahayag ni Engr. Antonet Catubuan it PSA Aklan.
Dugang pa nana nga tuyo it aktibidad nga makatipon eon man ro gobyerno it bag-ong mga datos nga pagagamiton sa pagplano para sa development it nasyon.
Hinyo ni Engr. Catubuan nga i-entertain ukon taw-an it oras ro mga enumerators bangud raya hay para man sa kamaeayran it tanan.
Usuyan eang sigon sanda it mga IDs para makasigurado.
Ro mga halimbawa sa mga ginapangayo nga impormasyon hay ro household numbers ag kun may operator it agricultural ukon fisheries kon siin may separado ro mga raya nga pormas ag maabong iba pa.
May kaangtanan suno sa mga scammers nga ginagamit ro pangaean it PSA hay nakahimo eun sanda it legal actions ag ginpasiguro nga ro mga enumerators makaron hay halin gid sa PSA.
Pasalig pa nana nga igatago it mayad ro mga impormasyon nga mabo-oe sa respondents sandig sa Data Privacy Act.
May kontrata sigon ro mga enumerators ag nagagamit it papel ukon tablets sa pagsurvey, nga haeos 118 ro numero it mga kaibahan ro supervisor.
Sa pihak nga parte, pahayag pa ni Engr. Catubuan nga as of Oktubre 19 hay may una eun 499,230 nga populasyon it Akean ro nakarehistro sa National IDs nga 81.15% halin sa total population it Aklan nga 615,475.
Ginpamilit pa kara nga ro mga uwa pa karehistro hay pwede makipag-angot sa numero 268-9217, pati man sigon ro mga uwa pa it live birth hay magparehistro eun agud mataw-an sanda it oras ku mga taga-PSA.
