KALIBO, Aklan—Kadungan it pagselebrar it National Statistics Month, naglunsar ro Philippine Statistics Authority ukon PSA-Aklan it paindis-indis nga nagatuyong maipaabot sa pomoeuyo ag mas kapin gid sa mga pamatan-on kung ano ro importansiya it pagtipon it datos.
Suno kay Mr. Peter Mangilog it PSA-Aklan nga may paindis-indis sanda makarun sa paghimo it infographics kun sa siin ro target karang magapartisipar hay ro mga estudyante sa bilog nga probinsiya.
Ro mga mapilian nga tagdaog hay makabatun it premyo maghalin sa taeatapan.
Samtang, sa pihak nga parte, ginpahayag man ni Mangilog nga sa makarun hay nakaibahan ro probinsiya it Aklan sa pilot province nga magapatigayon it Provincial Product accounts sa bilog nga Rehiyon VI.
Mabahoe sigon ro maibulig kara sa mga local officials ag economic managers agud nga ma-compute ro economic performance it probinsiya.
Nasayuran nga raya ro pinakaunang kahigayunan nga magapatigayon it kapareho nga surcey ro PSA sa probinsiya.
