KALIBO, Aklan—Humampak sa 3.9 percent ro nailistang inflation rate it Philippine Statistic Authority ukon PSA-Aklan ko Disyembre 2020.
Suno kay Mr. Peter Mangilog, Statistician II it PSA-Aklan nga mas mataas raya kung igakumpara sa kaparehong period ko dag-on 2019.
Ro inflation rate suno kana hay nagtaas umpisa ko buean it Setyembre hasta Disyembre ko nagtaliwan nga dag-on.
Suno kana, normal rayang nagakatabo kada yuletide season bangud sa rayang tyempo nagataas ro demand sa mga nagapangunang baeak-eon ag serbisyo.
Posible sigon nga nakaapekto man sa inflation ro pandemya kung siin maabo nga pumuoeyo ro nawad-an it trabaho bangud sa mga ginpatuman nga lockdown ukon restrictions kung siin maabo nga negosyo ag serbisyo ro naapektuhan ag ro iba hay eubusan nga nagsarado.
