Aminado ro Provincial Social Welfare and Development Office ukon PSWDO Aklan nga uwa it kongkretong programa ro gobyerno nasyonal para sa mga indibidwal nga may deperensya sa paino-ino.
Suno kay PSWDO head Evangelina Gallega, mag-eowas nga uwa it nagakaigong pasilidad hay mahae mag-mintina kara bangud nga nagakinahang-ean it nagkaeain-eain nga espesyalistang doktor para magtatap sa mga marescue nga persona.
Ginpahayag dugang ni Gallega nga sandang mga social worker ro nagaprovide it mga nagapangunang kinahang-eanon it mga makarundaya nga persona.
Apang, ro eubus nga kinahang-ean makaron hay ro pasilidad nga butangan kanda para sa nagakaigong pagbueong.
Samtang sa pihak nga parte, ginklaro ni Gallega nga inde makabig nga detention ro sitwasyon ni Panie matapos nga ginbutang imaw it LGU sa motorpool.
Ginpaathag kara nga may rason ro social worker bangud nga makabig sanda nga vulnerable nga tawo ag uwa man sigon sanda ginpabay-an maskin sa andang pagkaon ag pang adlaw adlaw nga kinahang.eanon.
