Kalibo Aklan —-Haum eon ro Provincial Social Welfare and Development Office (PSWDO) nga makapanau it relief assistance sa mga naapektuhan it Enhanced Community Quarantine sa probinsiya it Aklan sa tunga it paeag it coronavirus disease pandemic.
Suno kay PSWDO head Evangeline Gallega nga target nanda nga maka-repack it masobra sa 20,000 nga food packs .
Limitado eamang sigon ro andang resources rason nga raya eamang ro masarangan nanda nga i-distribute.
Prayoridad sigon nanda ro mga indibidwal nga nawad-an it trabaho bangud sa Enhanced Community Quarantine.
inatugyan sigon nanda sa local government units ukon LGU ro pag-distribute it nasambit nga mga relief goods .
Activated eon man sigon nanda ro andang Disaster Monitoring Preparedness Team agud nga magpanguna sa pag-repacked.
Sa pihak nga parte, ginmanduan sigon sanda it National Government nga magsumite it imbentaryo kon ano ro available nga mga goods sa Aklan agud nga mapun-an ro kakueangan .
Nagaeaum man si Gallega nga mapaguwa eon it gobyerno ro pondo para sa financial assistance sa mga apektadong pumueuyu kamana man ro mga trabahador.
