KALIBO, Aklan—Nagpatigayun it distribusyon it mga food packs ro Provincial Social Welfare Development Office (PSWDO)-Aklan sa mga residenteng apektado it ginpatuman nga Surgical Enhanced Community Quarantine sa Purok 1, C. Laserna St., Brgy. Poblacion, Kalibo.
Suno kay PSWDO Head Evangeline Gallega nga kapin sa 200 nga pamilya ro andang nataw-an it ayuda kabulig ro gobyerno probinsyal.
Ro food packs hay ginakaeakipan it limang kilo nga bugas, napueong lata it sardinas, tig tatlong lata it corned beef ag meat loaf, kape ag manok.
Ro kwarta sigon nga gingamit sa pagbakae it food assistance hay halin sa pondo it taeatapan makaron nga dag-on.
Matueopangdan nga ginpaidaeom sa daywang dominggo nga lockdown ro nasambitang purok umpisa ko Nobyembre 20 matapos nga makalista raya it siyam nga positibong kaso it makataeapon nga sakit.
