KALIBO, Aklan — Gina engganyo it Provincial Social Welfare and Development Office ukon PSWDO ro mga kababayin-an partikular ro mga pamatan-on nga naganabdos nga magdangop sa andang mga taeatapan eabi eon kon may problema nga ginapangatubang.
Suno kay PSWDO head Evangelina Gallega nga bangud sa nagatinaas nga kaso it teen-age pregnancy kamana man ro mga unwanted pregnancy rason nga may mga eapsag nga gina-abandona, ginapabay-an, ginadaea sa mga ampunan ag ginapa-abort.
Madumduman nga daywang fetus ro magkaseparadong nakit-an sa banwa it kalibo , kun sa siin ro pinaka-ulihi hay kat nakita it mga garbage collector sa ginhakot nga basura.
Kadungan kara, ginpabaskog man sigon makaron it DSWD ro kampanya sa pagpadasig sa proseso it adoption ukon pag ampon.
Base sa mga pagtuon sigon nga sambilog sa mga rason kon ham-an nga napilitan ro mga kababayin-an nga ipahueog ro andang mga gina-nabdos ukon gina-abadonar ro andang mga eapsay hay bangud sa unwanted pregnancy ukon pagnabdos nga bukon it planado ag teen-age pregnancy kun sa siin ginatago it iba ro pagnabdos bangud sa kahuya ag kahadlok nga nabatyagan halin sa andang pamilya ag sa ibang tawo.