Kalibo Aklan —– Ginpaathag ni Provincial Social Welfare Development Office (PSWDO) Head Evangeline Gallega nga ro makabaton it cash assistance sa idaeom it Social Amelioration Program it gobyerno hay ro mga “poor among the poorest” ukon ro pobre sa pinakapobre.
Ro buot hambaeon suno kana hay uwa it nagsueod nga income sa sangka pamilya bangud sa ginpatuman nga Enhanced Community Quarantine tuga it coronavirus disease (COVID-19) pandemic.
Ginpaathag dugang nga raya hay nakasueod sa joint memorandm circular it nagkaeain-eain nga ahensya it gobyerno.
Suno pa kay Gallega, ro listahan hay magahalin sa mga Barangay Officials bangud nga sanda ro eubus nga nakakilaea it andang mga constituents antes nga daehon sa Municipal Social Wefare Development Office (MSWDO) for validation.
Gin-engganyo man kara ro Barangay Officials nga ipaskil ro andang listahan sa guwa it Barangay Hall agud nga makaangkon it tranparency sa publiko.
Una eon nga ginpahayag ni Gallega nga kabilugang 500 million pesos para sa 88,175 nga beneficiaries ro gintaeana it National Government para sa bilog nga probinsiya it Aklan nga igatau nga ayuda sa mga pamilyang naapektuhan it Enhanced Community Quarantine tuga it epekto it pag-eapta it coronavirus disease (COVID-19) sa nasyon.
