KALIBO, Aklan—Namatay samtang ginabueong sa Intensive Care Unit it sangka pribadong ospital sa Iloilo ro sangka Public Health Nurse it Local Government Unit (LGU) sa banwa it Numancia bangud sa sakit nga dengue.
Base sa report , pilang adlaw man nga naka-ICU sa Iloilo Doctors Hospital si Edniel Gamboa, residente it Capitol Site, Kalibo antes nga binawian it hueam nga kanuhi bandang alas-4:00 it aga-aga.
Nasayuran nga ginbalewala eamang ni Gamboa ro anang ginabatyag nga eagnat bangud nga ginataw-an kara it atensyon ro anang ina nga may sakit.
Hasta nga ko ulihi hay naghina ro anang eawas ag kat magpakonsulta sa doctor hay nakumpirma nga naga-angkon imaw it dengue kun sa siin, masyado eon nga manaba ro anang blood platelet rason nga insigidang ginbiyahe paagto sa Iloilo City, apang owa eon nakaeowas sa makamaeatay nga sakit.
