Bukon pa it haum ro public transportation sa pilang parte it Pilipinas sa pagpatuman it full resumption it face-to-face classes.
Raya ro naging pahayag it sangka grupo it mga commuter sa planong pagabalikon it bag-ong administrasyon ro in-person classes sa nagahilapit nga pagbukas it klase.
Ginpahayag ni The Passenger Forum (TPF) Convener Primo Morillo nga antes ro pagpatuman kara hay kinahangean man nga tan-awon it gobyerno ro mga dugang nga problema nga posibleng igatuga kara sa public transport system sa nasyon.
Bangud sigon kara hay kinahangean magtao it insigidas nga bulig sa mga pasaherong maapektuhan.
Kinahangean man sigon nga pagasabaton anay it gobyerno ro mga problema sa imprastraktura sa nasyon para maging madinaeag-on karang mabalik ro normal classroom-based education sa Pilipinas.
Samtang, mataeopangdan nga ginpahayag ni Pangueong Ferdinand “Bongbong” Marcos Jr. ro planong uman nga pagbalik ni Vice President Sara Duterte sa face-to-face clases sa pilang eskwelahan sa pag-abot it Setyembre, samtang sa nagahilapit nga Nobyembre man ro target nga full transition kara.
