Publiko, ginpaandaman it Bureau of Immigration kontra sa mga scammer nga ginaggamit ro social media

Nagpaandam ro Bureau of Immigration (BI) sa publiko kontra sa mga scammer nga nagapakuno-kuno bilang mga tawuhan it ahensiya sa social media.

Ginpagguwa ni Commissioner Norman Tansingco ro paandam sa tunga it mga report nga maabu nga scammer sa social media ro nagagamit it mga litrato ag impormasyon it mga empleyado kara para lituhon ro publiko sa pakikipagtransaksyon kanda.

Ginpahayag it BI chief nga ro mga empleyado it BI hay bukon it awtorisado nga makipag-angot ag maghimo it mga transaksyon sa guwa it mga pasilidad kara.

Nakipagpueong eon si Tansingco sa Cybercrime Investigation and Coordinating Center (CICC) para talakayon ro mga nasambit nga isyu ag ro iba pang cybercrime concerns nga nakakaapekto sa BI operations.