KALIBO, Aklan — Nagpanawagan si Anakpawis partylist Rep. Ariel Casilao sa mga pumueoyo kapin eon sa Western Visayas nga magpahaom sa posibleng pagpatuman it Batas Militar.
Sa interview it Bombo Radyo, ginpahayag ni Rep. Casilao nga raya ro katuyuan sa ginpaguwang Memorandum Order No. 32, kon siin, ginmando ni Pangueong Rodrigo Duterte nga dugangan ro pwersa it mga soldado sa Samar, Negros Oriental, Negros Occidental ag Bicol Region bangud sigon sa nagakatabong kinagamo.
Gin-insister ni Casilao nga ginagamit eamang it Malakanyang ro natabong masaker sa Sagay, Negros Occidental, pagpatay sa abogadong si Atty. Ben Ramos ag iba pang kaso it pag-eabag sa kinamatarong it tawo sa nasambitang mga lugar agud amat-amat nga madeklara ro Martial Law sa nasyon.
Punterya sigon kara ro mga kritiko it administrasyong padayon nga nakikipaglaban para sa andang kinamatarong sa eogta, sweldo ag iba pang reporma.
