KALIBO, Aklan—gin-abisuhan it Bureau of Fire Protection ukon BFP-Aklan nga publiko nga indi maggamit it bawae nga paeupok ag mga pyrotechnics sa pagsug-aeaw it bag-ong dag-on bangud sa peligro nga ginatuga kara.
Suno kay provincial fire marshall Fire Supt Publio Ploteña nga maskin nga tradisyon eon it mga Pinoy ro pag-sangag kada bisperas it New Year, apang gina engganyo nana ro mga raya nga gumamit eon lang it mga alternatibong pampasangag kapareho it torotot, pagbunae it lata, kaldero ag iba pa.
Tuyo sigon nanda nga mabawasan ro mga peligro ag kahalitan nga posibleng igatuga sa saea nga paggamit ag pagbakae it mga paeupok ag pyrotechnic devices.
Samtang, magapatigayon sigon inspection ro kada municipal fire station sa oras nga matukod ro mga baealigyaan it paeupok sa nagkaeain-eain nga banwa sa Aklan.
Gin umpisahan eon man sigon nanda ro fire safety lectures sa mga naga-apply nga magbaligya it mga paeupok.
