KALIBO, Aklan — Kritikal ro sangka pulis matapos hapiton it gina manehong motorsiklo ro kasunod nga 6-wheeler wing van truck sa kahabaon it national highway t Barangay Toledo, Nabas, Aklan.
Padayun nga gina obserbahan sa Intensive Care Unit (ICU) it Medical City Hospital sa Iloilo ro biktimang si SPO2 Ben Estoya, naka-destino sa 1st PMFC it Aklan Police Provin-cial Office ag residente it Barangay Katipunan, Buruanga, Aklan.
Gina sugid nga naghanang mag-overtake ro truck nga gina maneho ni Regino Matinong, sa legal nga edad ag residente it Barangay Union, Nabas, Aklan sa motorsiklo ni SPO2 Estoya, apang, nahapit raya.
Nasayuran nga parehong paagto sa banwa it Kalibo ro daywa kat matabo ro insidente.
Sa kustodiya eon makaron it Nabas Police Station ro truck driver matapos nga kusang mag surrender.
Naga padayun pa ro imbestigasyon it kapulisan sa insidente.
