KALIBO, Aklan—Tatlo ka mga indibidwal makaron ro temporaryong nakakulong sa locked up cell it Makato Police Station ag nagapangatubang sa kasong Direct Assault Upon An Agent of Person in Authority matapos nga masita sa pagpatrolya it pulisya bandang alas-12:30 it tungang gabie sa national highway nga sakop it Brgy. Poblacion, Makato.
Ginkilaea it Makato PNP ro tatlo nga sanday Ken Candelario, 28-anyos it Brgy. Poblacion sa nasambit nga banwa; Ryan Francisco, 37-anyos it Brgy. Linabuan Norte, Kalibo ag Junie Aremas, 32-anyos it Brgy. Puis, New Washington.
Base sa report, una sa idaeom ko impluwensya it aeak ro tatlo kon sa siin medyo may ginabantayan sa lugar rason nga ginsita sanda it nagapatrolya nga otoridad.
Apang, imbes nga magsunod it matawhay hay ginhana pa nga bun-on it sambilog kanda ro nagaaresto nga pulis rason nga nakaangkon it pagdumugan sa tunga it magtimbang nga parte.
Ro tatlo hay una eon sa paghinakop it Makato PNP para sa nagakaigong disposisyon.
