POLICE Report — Gina-imbestigahan it Central Luzon police ro motibo sa pagpatay sa sangka pulis sa Angeles City, Pampanga.
Ro suspek hay ro misis it biktima, nga sangka pulis man.
Natabu ro insidente sa andang baeay sa Barangay Cuayan suno sa Police Regional Office (PRO)– Central Luzon.
Nabatian it sangka kaeapitbaeay ro eupok it baril ag nag-agto agud nga tan-awaon ag dikara hay nakita ro biktima nga sangka chief master sergeant sa Angeles City Police, nga nagahamyangon sa garahe ag duguan.
Insigida raya nga nagtawag agud nga magpangayo it bulig ag kat nagbalik nakita kara ro misis nga may ginabuytan nga baril.
Ginbaril ro biktima sa ueo ag gindeklarang patay sa ospital.
Ro suspek hay ginpaidaeum eon sa inquest proceedings.
Ginatumod it pulisya ro mga personal nga isyu sa tunga it mag-asawa bilang posibleng motibo.
Suno kay Fajardo, nataeupandan it mga kaibahan it suspek sa trabaho nga imaw hay matsa problemado ag tulala antes ro insidente.
Naaywan it mag-asawa ro andang tatlong unga nga may edad 2 hasta 11, ag presenteng gina-alagaan it igmanghud it biktima.
Ginpasiguro it kapulisan sa pamilya it biktima nga magapadayun ro imbestigasyon ag pagapasabton ro may saea.
