POLICE Report — Nina sa uyahon ro naangkon it sangka pump boy matapos eab-on it sangka eaeaki nga nagpa-full tank it gasolina ag nagbayad eamang it P60 sa Tagum City sa Davao del Norte.
Padayun nga ginabueong sa ospital ro biktima nga nakilaea kay Nasser Bituanon, samtang arestado ro suspek nga si Rodolfo Cantiveros, parehong sa tama nga pang-edaron.
Base sa report it Tagum City Police Station, bandang alas-12 it udtro adlaw it Domingo kat natabu ro insidente sa sangka gasolinahan sa Purok 13, Brgy. San Miguel, Tagum City, Davao del Norte.
Nagaguwa sa imbestigasyon it kapulisan nga nagpa-tayon it full tank sa anang motorsiklo ro suspek sa biktima apang P60 eamang ro anang ginbayad.
Agud nga matapna ro gulo, ginbaton eon lang it biktima ro bayad it suspek bangud nga medyu kakaiba ro anang ginahueag.
Gulpi eamang sigon nga nagbo-oe it sanduko ro suspek ag gin-einabu sa uyahon ro biktima samtang madasig nga nagpaeagiw ro suspek.
Nakapangayo pa it bulig ro biktima sa anang mga kaibahan ag gindaea raya sa ospital.
Madasig man nga rumesponde ro mga awtoridad sa nasambit nga lugar nga nagresulta sa pagkadakop sa suspek nga makaron hay nagapangatubang sa kasong attempted homicide.
