Ginsug-aeaw it mga pumueoyo it Hawaii ro Bag-ong Dag-on sa binit it baybayon.
Suno kay Bombo International Correspondent Prestine Dominggo, ginpakamayad nanda nga magguwa sa andang panimaeay agud nga makit-an it klaro ag maayos ro fireworks display nga ginpahaom it mga nagkaeain-eain nga maeagkong hotels and resorts.
Nakontento eon lang ro mga overseas Filipino workers nga magtan-aw sa mga libreng fireworks display rason nga maabo ro mga nagapataliwan it oras sa binit it baybayon.
Raya man sigon ro sambilog sa andang pamaagi nga inde mabatyagan nga maeayo sanda sa andang pamilya sa Pilipinas.
Ginabawaean ro firecrackers sa nasambit nga nasyon rason nga pabonggahan eon lang ro mga raya sa pagpatigayon it fireworks display para sa andang mga parokyano nga mas ginpili nga sa andang establisyimento sug-aeawon ro panibag-ong dag-on
