Kaparehas sa Pilipinas, ginaselebrar man ro paskwa sa nasyon it Sri Lanka.
Suno kay Bombo International Correspondent Zenny Gadut, nakikipagbahin ro mga Sri Lankan sa ginapatigayon nga simbang gabi ukon misa de gallo sa romano katoliko nga simbahan.
Kapin sa 40 porsyento sigon it pumueoyo sa Sri Lanka hay mga kristyano rason nga ginataw-an nanda it importansya ro selebrasyon it paskwa sa nasambit nga nasyon.
Apang, ro kinaeain eang kon sa Pilipinas pagpatak it ber months may mga nakasab-it nga parol ag may nakadisplay nga christmas tree sa kada panimaeay, sa Sri Lanka suno kana hay makit-an ro christmas decoration sa ika-23 it Disyembre.
Raya hay bangud nga buhi nga christmas tree ro andang ginadisplay.
Apang, sa mga mall suno kana hay may makit-an eon nga christmas decorations ag mga makolor nga paiwag maghalin sa nagkaeain-eain nga christmas lights.
Sanda nga mga Pilipino hay ko December 1 nagkabit it mga christmas decorations ag mas nga gin-advance ro mga christmas party.
Popular nga pagkaon sa raya nga okasyon hay ro ginatawag nga christmas cake bangud nga sang beses sa sang dag-on eamang nanda raya nga gina-eaha.
