KALIBO, Aklan–Naghinyu si Punong barangay Neil Candelario it Poblacion, Kalibo sa mga pumueuyu nga seryosohon ro pagsunod sa health and safety protocols kontra sa COVID-19.
Suno kana nga ko nagtaliwan nga mga inadlaw hay haeos nagnaba eon ro mga naiistang kaso it COVID-19 sa andang barangay, apang gulpi raya nga nagtaas ag madasig ro naging transmission ukon pagtaeapnan.
Kapin sa 15 ro active cases makaron sa lugar.
Bangud kara, ginpaathag ni kapitan Candelario nga base sa andang ginapatuman nga polisiya, kon may naga-positibo sa sakit sa sangka lugar nga highly populated ukon nagadukot-dukot ro mga baeay hay insigida nanda nga gina-pull out sa baeay ro mga ginakabig nga high risk contact ag ginadaea sa quarantine facility.
Instrikto sigon sanda makaron sa pagpatuman it health protocols, partikular ro pagsuksok it face mask, face shield ag physical distancing.
