Hugot nga ginpanginwaea ni Punong Barangay Sofronio Bunyog it Polo, Banga ro akusasyon nga graft and corruption matapos nga ginreklamo raya nanday Romualdo Zeque ag Ronald Reloj sa complaint hotline nga 8888 nga direkta mismo sa opisina it presidente.
Suno kana, maisog nana nga atubadngon ro ginaeapog nga akusasyon kontra kana bangud nga maskin bakod hay uwa imaw it gina-corrupt sa pondo it barangay kaparehas sa ginahaboy kana nga nagapangotong imaw it P30,000 hasta it P70,000 pesos kada buean.
Ginpahayag dugang nga uwa imaw it ginaobra nga kabalastugan sa barangay ag uwa imaw it ginatapakan nga tawo.
Imaw mismo ro nagsabat sa reklamo sa 8888 nga ginpapanaog kontra kana agud nga mapadayon ro imbestigasyon bangud nga malimpyo ro anang record ag maging ro anang konsensya.
Nag-ugat ro isyu sa ginasugid nga pagpangotong it kapin sa hauler operator sa nasambit nga lugar
